( مادة 32 ) من قانون العمل
يلتزم صاحب العمل بتحرير عقد العمل كتابة باللغة العربية من ثلاث نسخ يحتفظ صاحب العمل بواحدة ويسلم نسخة للعامل وتودع الثالثة مكتب التأمينات الاجتماعية المختص .
وطبعا دة محصلش في بتروتريد واجمع كل المحاميين على خطورة عدم الاطلاع على عقد العمل لان ممكن يكون في شروط جزائية في العقد زي تنازل العامل عن حقوقه في حالة فسخ العقد أو دفعه أموال في تلك الحالة
والخطأ هنا مسؤولية العامل والقانون لا يحمي المغفلين وانا شخصيا باعترف اني كنت من المغفلين دول لما وقعت على عقد العمل من غير الاطلاع عليه بعد اما ضحك عليه موظف الشئون الادارية اللي معندهوش ضمير واتحجج بالزحام ودة مش مبرر عشان لا اطلع على العقد خصوصا ان الموظفين دول في حالة رفضهم اطلعنا على العقد دة بيعكس ان عندهم نوايا سيئة وطبعا واخدين اوامر من قيادات الشركة بكدة
عشان في حالة حدوث نزاع مع الشركة الواحد يطلع عينه عشان يثبت حقوقه لكن ممكن طلب العقد عن طريق المحكمة بس الموضوع دة هايخد وقت شوية
شفتوا قيادات بتروتريد بيفكروا ازاي !!!!!
س / سوال بيتبادر لذهن ناس كتير في الشركة زي اننا وقعنا على استمارة 6 ؟
في الحالة دي قول لادارة الشركة بلوها واشربوا ميتها لانك لما بتوقع عليها بتكون الورقة بيضاء وغير مؤرخة وممكن تروح المحكمة وتطعن بالتزوير لانك وقعت الورقة على بياض وهايتم تحويل الاستمارة لمصلحة الطب الشرعي وفي هناك خبير للخطوط هايعرف ايه اللي اتكتب الاول
لو كان التوقيع دة معناة ان التاريخ اتكتب بعد كدة بمعرفة صاحب العمل ودة يبقى اسمه تزوير اما لو كانت مؤرخة دة معناة ان العامل وقع عليها بعد اما ساب الشغل وعلى فكرة خبير الخطوط ممكن يعرف كمان التوقيع اتكتب امتى
ملحوظة : علاقة العمل بتثبت بكافة طرق الاثبات يعني لو كنت شغال في مكان ومفيش معاك أي ورق يثبت كدة ممكن تثبت بشهادة الشهود سواء كانوا زملاءك في العمل أو العملاء اللي بتبيع لهم الفواتير مثلا
بتروتريد >>> عمال شركة بتروتريد 