جانب من الاعتصام
المنوفية – محمود نبوى
دخل نحو 200 موظف وعامل بشركة الخدمات التجارية البترولية بتروتريد فرع شبين الكوم فى اعتصام مفتوح احتجاجا على ما أسموه بالقرارات التعسفية من جانب إدارة الشركة بحق زملائهم وكان آخرها إنهاء تعاقد موظف يدعى “يسرى أبو حسين” مفتش بالشركة منذ أكثر من 3 سنوات بعد قيام عميل للشركة بتقديم شكوى فى حقه تراجع عنها أمام النيابة.
فيما أكد العمال أنهم سيواصلون اعتصامهم بالشركة حتى يتم إعادة التحقيق فى الواقعة التى لم يكن لها أساس من الصحة وتسببت فى تهديد مستقبل زميلهم مؤكدين أنهم معرضون لمثل هذه المواقف فى العمل وعلى الشركة أن تدافع عن موظفيها داخل وخارج الشركة بدلا من التعنت والقرارات التعسفية.
فيما دخل الموظف المفصول فى إضراب مفتوح عن الطعام حيث أكد أنه يستحق التعيين منذ أول مارس الماضى طبقا لقرار الوزير الذى يقضى بتعيين كل من مر على عمله بالشركة ثلاث سنوات.
المصدر : موقع اليوم السابع
رابط الخبر :
http://www.youm7.com/News.asp?NewsID=388735&SecID=296&IssueID=162
Advertisements
ايضاح بسيط الوزير قال الى بقاله سنتين يتعين مش 3 سنوات يا كوفو وشكرا الا بالحق انت رجعت الشركة ولا لسه ارجو الرد
انت عرفت كوفو كمان !! ايوة فعلا اللي بقاله سنتين وانا لسه مرجعتش ولا أي حد من المفصولين
طبعا كوفو انت بقيت اشهر من النار على العلم بس والله العظيم انا حزنت لما انت قلت لى انك لسه مرجعتش انت والمفصولين بقى الناس الى هم أساس الثورة والى نادوا بحقوقنا وتعبوا علشان مرتبتنا تعلى ونتثبت ميرجعوش واحنا بنتمتع بالمزايا دى والله انا فعلا زعلان من نفسى جدا لانى مش عارف اعمل حاجة بس بصراحة المفروض نعمل حاجة زى المظاهرات الى حصلت بالشركة بس لازم الناس تفهم ان انتوا اساس الثورة ربنا معاكوا وانا من خلال موقعك الجميل ده بناشد شباب وعمال بتروتريد للوقوف بجانب زملائهم المفصولين وانت اولهم يا كريم انت تعبت كتير علشنا وفى الاخر انت مترجعش والله ده ميرضيش ربنا وان شاء الله هترجع لأن عمال بتروتريد ميرضهمش كده ابدا
العد التنازلى لرجوع المفصولين هيبدا من يوم الاحد وفعلا لو الناس دى مرجعتش بوعد مجلس الادارة بتصعيد جديد هيكون مفاجىء ليهم ومش فى الحسبان…احنا عاوزين نهدى الجو و نشتغل وهما بيستفزونا اهو …..المفصولين تعسفيا حقهم انهم يرجعوا الشغل
بسم الله الرحمن
رساله تهنئه الي جميع العاملين في شرق اسكندريه وصل ال المنطقه قرار نقل مدير المنطقه الي وسط اسكندريه انا كان نفسي يتنقل كبدايه الحمد لله والشكر لله بس علي فكره اخونا في وسط اسكندريه ربنا ربنا يصبرهم ويرحمهم برحمته
شكرا للاستاذ المحترم كريم رضا وان شاء الله نهنيك قريب بعودتك للعمل
اسلام علي شرق اسكندريه
قمه الكوميديا
تصوريا استاذ كريم بعد وصول قرار نقل مدير المنطقه ان شله المنتفعين اتجمعو حوليه وقلوله متسبناش يريس والنسوان تعيط والرجاله تطبل اللي بييجي يمضي ويروح وال بيقضي معظم اوقات فراغه ال المفروض ان هي اوقات الشغل في القهوه ال وراء الشركه وال بتييجي تخدله شويه صابون وتمضي وتروح وال بيحب طول النهار في التليفون قدام الشركه وال بتفرج علي ال رايحه وال جايه ياباشا دول بيفكرو يعملو اضراب عشانه يعني ال بيقعد علي القهوه مش هيقعد وال بيتكلم في التليفون وبيحب هيخاصم صحبته وال بيلعب شطرنج هيعتزل وبالمره هيطلبو من الاداره تغيير لون الشعار بتاع الشركه
والله العظيم ال كانو عايشين في ميغه لازم يشتغلو زينا زيهم بالظبط غصب عنهم واول طلب هنطلبه احنا الناس ال شغاله في الموقع من المدير الجديد انه يقول لنا كل واحد في فرع شرق اسكندريه شغلته ايه وال ملوش لازمه في الاداره ينزل ويشيل شغل زيه زينا ينسو الميغه ال كانو عايشين فيها ويسبهم من شغل الطبل والزمر بتعهم ده
اسلام علي شرق اسكندريه